Крис Диринг укум-тукумунан бери жолсуздардын баласы. Жолсуздук аларды муундан муунга кууп келет. Эми өз атасы да жакында баарынан куржалак калганы турат. Кристин жалгыз үмүтү Юкондогу дарыя. Ал жакта багыштын маңкасы жана жарганаттай чиркейлерден башка эмне бар? Алтын! Тагыраагы, Кристин чоң атасынан алдап тартып алышкан жер тилкесиндеги алтын. 

Катуу сүйлөгөн байкер жана мурдагы зек маффинчинин жардамы менен Крис үй-бүлөсүнүн алтынын көздөй убакыт менен жарышат. Ал да ата-жотосундай талаада калабы же алтынга жетип, үй-бүлөсүнүн мындан кийинки тарыхын өзгөртөбү?

Которгон: Адам Алишеров
Корректор: Жетиген Асанбек
Верстка: Таттыбүбү Ырысбай кызы