Бул китеп экономикасы бүлүнгөн өлкөдөн өнүгүү боюнча аймактык лидерликке секирик жасаган Грузиянын реформалары жөнүндө. Легендага айланган реформаларга түздөн-түз катышкан мурдагы энергетика министри жана өкмөт башчы Ника Гилаури өзү бажыдагы коррупцияны жоюудан тарта энергетика, саламаттык сактоо, билим берүүнүн сапатына чейинки чечкиндүү реформалар кантип ишке ашырылганын баяндайт. Кезинде грузин реформаторлору толук реформалай албаган сот системасы акыры келип башка жетишкендиктерге карабай, бийликчил партияга шайлоодо жеңилүү ызасын алып келгенине кенен токтолуп, ар бир жарандын мамлекет үчүн керектүү сааты келээрин, ага даяр болушу керектигин белгилейт. Өлкөдө өзгөрүүлөрдү эңсегендер жана ал өзгөрүүлөр менден башталат деген чечкиндүү лидер бул китепти окуп, Грузин реформаларынан Кыргызстандын шартына ылайык сабак алып, алдыда күтүлгөн сыноолорго даярдана алат.